Худалдан авах

Д.Нацагдорж

Д.Нацагдоржийн орчуулга

2026 оны хавар шинэ номууд

БАРУУН: 22-н товчоо, Орбитын эцэс, Зүүн
салааны эцэс
ХОЙД: Шадивлан, Сэлбэр ресорт
ЗҮҮН: Гачуурт
УРД: Өлзийт хороолол


Холын бүс

БАРУУН: Тахилт, Зүүн салаа
ХОЙД: Дамбадаржаа, Бэлх
ЗҮҮН: Амгалан, Хужирбулан, Шар хадны
эцэс
УРД: Буянт-Ухаа, Зайсан толгой

Энгийн бүс

Чимээ паблишн

Намрын тунгалаг усны бичиглэл

Яруу найрагч, зохиолч М. Уянсүхийн "Намрын тунгалаг усны бичиглэл" хэмээх содон нэртэй түүвэр нь зохиогчийн хувьд мөнхийн сэдэв нь болсон намрыг илүү гүнзгий мэдэрч, илүү тод шүлэглэхийг эрмэлзсэн онцлогтой.
Ерөөс намрын улирал нь яруу найрагчдад онцгой улирал байдагчлан М. Уянсүх ч мөн адил намраар дамжин орчлонгийн жам ёсыг эргэцүүлдэг нь түүний шүлгүүдээс мэдрэгддэг. Ялангуяа намар, зам хоёр нь найрагчийн дотоод ертөнцийн салшгүй хэсэг, дотоод бясалгалын амгаланг бүрдүүлэгч орон зай хийгээд цаг хугацааны дүрслэл байсаар ирсэнийг эл түүврээс харж болно.

Д.Нацагдоржийн орчуулга АГЛАГЧ тэргүүт бусад зохиол

Дашдоржийн Нацагдоржийн мэндэлсний 120 жилийн ойд зориулж, түүний орчуулгын сан хөмрөгөөс урьд өмнө нь энгийн уншигчдад төдийлөн хүрч байгаагүй бүтээлүүдийг сонгон эмхэтгэв. Орчин цагийн уран зохиолын хэл найруулгыг бий болгосон хэмээх түүний яруу найруулгыг таашаан мэдье гэж хүссэн хэн бүгдэд зориулав. 

ТАНЫ АМЬДРАЛЫГ ӨӨРЧЛӨХ НОМ “Ад үзэгдэх зориг” бол Фройд, Юнг нартай эн зэрэгцэж “Сэтгэл судлалын гурван том магнат” хэмээн алдаршсан Альфред Адлерын үзэл санаа буюу Адлерын сэтгэл судлалыг философич ба идэр залуу хоёрын харилцан яриа хэлбэрээр тайлбарлан эмхэтгэсэн бүтээл юм.Энэ ном өнгөрсний шарх, бусдын хүлээлтээс ангижирч, аз жаргал, амар амгаланг олох хүч чадал хүн бүрийн дотор оршдогийг харуулж, өөрийгөө өршөөж хайрлах, сэтгэлээ цэгцлэх, хамгийн гол нь хүн хоорондын харилцаанд бүдэрч, туйлдалгүй амьдрах ухааныг уншигчдад өгнө.Дэлхий даяар сая сая хүн “Ад үзэгдэх зориг”-ийг уншиж, өгөөжийг нь хүртжээ. Одоо таны ээлж. Зохиогч: Кишими, Ичиро, Кога Фүмитакэ Орчуулагч: ТОМё БОДёРедактор: Д.Түмэн-Өлзий, Б.Болор-ЭрдэнэХавтас: Н.Бямбацогт 140х200 мм / 236 нүүр

Ад үзэгдэх зориг

<a href="https://heyzine.com/flip-book/8a9b6a41f3.html" rel="noopener noreferrer" target="_blank">Номын хэсгээс унших</a> Залуу яруу найрагч, эмч Тө.Бямбасүрэнгийн анхны хүүрнэл зохиол."Үхэл гэдэг үг бидэнд дэндүү ойр, харин тэдэнд бол од эрхэс шиг хол.”Сэхээний тасагт хэдхэн мөчийн дотор хүний хувь заяа шийдэгдэнэ.Амьдрал, үхлийн зааг дээр хүн өөрийгөө ч, бусдыг ч шинээр таньж эхэлнэ.Төв аймгийн Зуунмод хотын Нэгдсэн эмнэлгийн Эрчимт эмчилгээний тасагт өрнөх түүх.Үхлийн тухай эргэцүүлэл, өнчрөл хагацал, амь аврах, амьд үлдэхийн төлөөх тэмцэл. Зохиолч: Тө.БЯМБАСҮРЭНТехник редактор: Д.ЧимгээХавтас: Д.Төмөрхуяг, Н.Бямбацогт 130х190 мм / 178 нүүр

Улам дөжрөм, тэгээд нам гүм

Ф.М.Достоевскийгийн энэхүү тууж гол дүрийн би өгүүлэгчийн эхнэрийн үхлээр эхэлнэ. Үргэлжлэл нь тэр аяараа магадгүй наманчлал, тэрхүү наманчлалаас үүдсэн дүрийн дотоод монолог хэмээн тодорхойлж болохуйц өгүүлэмжээр баялаг. Уг бүтээлийг амиа хорлохын утга учир, хүн чухам яагаад амиа хорлоод буйг ухаж ойлгох гэж бичсэн гэж үздэг. Юуны учир тэр эхнэр амиа егүүтгэв? Чухам энэ л асуултын хариултыг олох гэж нөхөр нь өөрийгөө шүүнэ. Уг бүтээлийг Достоевскийгийн туужуудын гүн санаа, хурц үйл явдал, дүрийнх нь дотоод монологийг тодорхойлж чадах хамгийн чухал бүтээл гэж үздэг бөгөөд олон хэлээр орчуулагдаж, кино, жүжиг хүртэл тавигдсан байдаг.&nbsp; Зохиолч: Ф.М.Достоевский Орчуулагч: Б.МинжбадамгаравХавтасны зураг дизайн: Э.МишээлХэвлэлийн газрын редактор: Д.ЧимгээЭх бэлтгэл: Д.Цэрэндулам ISBN: 978-9919-9014-6-2 115х180 мм / 83 нүүр

Ноомой

100 жилийн БЭСТСЕЛЛЕР Вавилоны хамгийн баян хүн ном анх 1926 онд Америкт гарсан даруйдаа бизнесмен, банкируудын дунд ихэд түгж, улмаар даатгалын компани, банкуудаар дамжин асар олон хувь тараагдаж нийтэд алдаршжээ. Энэхүү бүтээлийг орчин үед хэвлэгдсэн санхүүгийн олон номын эх сурвалж хэмээн үздэг. Бараг 100 жилийн турш дэлхийн дайнууд, эдийн засгийн олон хямралын үед ч уншигдсаар ирсний учир нь өнөө маргаашийг аргацаах арга зальхан бус, мөнгөнд хайрлагдах жинхэнэ ур ухаан, хөдөлмөрийн үнэ цэн, хүн хоорондын харилцааны эв дүйн талаар он цагийн уртад хуучиршгүй үнэнийг бичсэнд оршино. Зохиогч: Жорж С. Клэсон Орчуулагч: Б.ХатантөмөрРедактор: Д.ЧимгээХавтасны дизайн: Н.Бямбацогт ISBN 978-9919-9823-4-8 115х180 мм / 200 нүүр

Вавилоны хамгийн баян хүн

“Шударга ёсны хордлого” бол Японы тархи судлаач Накано Нобүкогийн бичсэн, орчин үеийн нийгмийн сэтгэлзүйн нэгэн эмзэг үзэгдлийг шинжлэх ухааны үүднээс тайлбарласан бүтээл юм.Хүн бусдын оршихуй болоод “буруу”, “шударга бус” үйлдлийг буруутгах, яллаж шийтгэх үедээ таашаал мэдэрдэг мөн чанартай бөгөөд энэ нь бүр донтолт болон хувирч болзошгүй. Зохиогчийн тайлбарласнаар, энэ нь хүний тархины бүтэцтэй холбоотой тул хэн ч “шударга ёсны дон”-д автаж болно.Ковидын үеэр халдвар авсан нэгнийг нийтээрээ гадуурхах үзэгдэл ийм дон хэрхэн илэрч болохыг харуулсан тод жишээ юм. Сошиал медиа өдөр тутмын амьдралын салшгүй хэсэг болсон өнөө цагт энэ дон улам газар авч, хүмүүс өөрийн байр суурийг туйлшруулан хамгаалж, “миний зөв, би л шударга” гэсэн хандлагад гүн автдаг. Өөрөөр хэлбэл сошиал медиа шударга ёсонд донтогсдын хувьд хямд төсөр хэрэгсэл болж хувирчээ. Хамгийн аюултай нь, хөнгөнөөр бичсэн нэг л коммент бусдын сэтгэлд гүн шарх үлдээж, нөхөж баршгүй хор уршиг дагуулж мэднэ.Энэхүү ном нь асуудлыг тайлбарлаад зогсохгүй “шударга ёсны дон” гэх нэр томьёог гаргаж ирэн нийгэмд шинэ өнцөг, шинэ ойлголт дэвшүүлснээрээ онцгой бүтээл юм. Энгийн, ойлгомжтой үгээр бичигдсэн энэ ном уур хилэн, үзэн ядалтын гинжнээс ангижирч, өөрийгөө ч, өрөөл бусдыг ч хордуулахгүйгээр тайван амьдрахыг хүссэн хэн бүхний зайлшгүй унших бүтээл юм. Зохиогч: Накано НобүкоЯпон хэлнээс орчуулсан: Д.Чимгээ, Д.МаралгооРедактор: М.УянсүхХавтасны дизайн: Н.БямбацогтЭх бэлтгэл: И.Дэлгэр 175x115 мм / 192 нүүр

Шударга ёсны хордлого

Та яагаад зарим сурталчилгаанд шууд татагдаж, заримыг нь огт хайхралгүй, эсвэл анзааралгүй өнгөрөөдөг вэ? Яагаад хүмүүс хэрэггүй зүйл худалдан авдаг хэр нь үнэхээр хэрэгтэй зүйл дээр эргэлздэг вэ?Хариулт нь энгийн: Хүн логикоор биш, сэтгэл хөдлөлөөрөө шийдвэр гаргадаг. Энэхүү номд хүний далд ухамсарт нөлөөлдөг, худалдан авах шийдвэрт хүргэдэг сэтгэлзүйн механизмуудыг бодит жишээ, ойлгомжтой тайлбарын хамт нэгтгэн хүргэж байна. Хэрэв таны бүтээгдэхүүн, үйлчилгээ хүнд үнэхээр хэрэгтэй, буруу санаа агуулаагүй бол түүнийг зөв ойлгуулж, хүмүүст хүргэх л учиртай. Харин энэ ном танд хүний сэтгэлзүйг унших, үнэ цэнээ оновчтой илэрхийлэх аргыг заана. Сайн бүтээгдэхүүн өөрөө зарагддаггүй, энэ өрсөлдөөнт зах зээлд зөвхөн сайн байх нь хангалтгүй. Энэ ном бол хоосон онол биш, маргаашнаас шууд хэрэгжүүлж болох практик аргуудын баялаг цуглуулга. Хэрэв та бизнес эрхлэгч, маркетер, эсвэл бусдын шийдвэрт хэрхэн нөлөөлдгийг ойлгож, ямар ч салбар, орчин нөхцөлд давуу талаа бодитоор ашиглахыг хүсэж байвал энэ ном танд тус болно. Учир нь үүнийг уншсан, уншаагүй хүмүүсийн хооронд ялгаа гарна. Зохиогч: САКАИ ТОШИО Орчуулагч: Д.ЧимгээРедактор: М.УянсүхХавтас: Н.БямбацогтЭх бэлтгэл: Д.Цэрэндулам, И.Дэлгэр 130х190 мм / 215 нүүр

Маркетингийн сэтгэлзүй-100

“Үр нахиа” бол зүгээр нэг түүх биш. Өөрийн дотоод ертөнц рүүгээ гүн шумбан орж, ганцаардал, хүсэл, нууц, оршихуйн учир шалтгааныг үгүйсгэж чадамгүй ҮНЭН-ий өмнө тулган зогсоох тухай тууж юм. Хотын гудамжаар тэнүүчилж яваа нэгэн нууцлаг өвгөн, тасралтгүй эргэлдэх бодлууд, үлгэр домог, философи, дурсамж, бодит ба хийсвэрийн заагт бүдгэрэх оршихуй- Энэ бүхний дунд хүн гэдэг хэн бэ, ертөнц гэж юу вэ, үнэн гэж юу вэ гэсэн асуултууд уншигчийг чимээгүйхэн хөтөлнө. Хөнгөн унших ном биш. Гэхдээ, нэгэнт нээсэн бол хаахын аргагүй ном. Зохиолч: М.УянсүхРедактор: Г.БямбажавХавтас: Д.Төмөрхуяг 130х190 мм / 270 нүүр

Үр нахиа

Дурлахыг санаандгүй л гэдэгДурсамж сэдрэх магад түүнээс ч санаандгүй…Хайр дурлалыг гунигтай л гэдэгХамгийн жаргалтай дурсамж ч магад түүнээс гунигтай… Яруу найрагч, зохиолч Тө.Бямбасүрэнгийн шинэ шүлгийн түүвэр (2026 он, хавар) Хавтас: Д.Төмөрхуяг, Н.Бямбацогт 130х180 мм / 56 нүүр